admin
Nkosilathi Sibanda
UPETER Muduhwa ubika ukuba usegcwalise isifiso zakhe sokudlalela phetsheya kwesizwe, nanko usebizwe kuqembu leSimba SC eTanazania.
UMuduhwa usengumdlali wesithathu weqembu leHighlanders ukuthola uthimu eTanzania, elandela uPrince Dune loBruce Kangwa.
Umdlali lo ubeseqede imnyaka ezama ukuphuma kuleli kusehlula. Kodwa, ngokusebenza kwenkokheli zeHighlanders ezikhokhelwa ngumgcinisihlalo uKenneth Mhlophe, abacuphi beSimba SC bavumelane leqembu ukuthi uMuduhwa asayine isivumelwano samasizini amane.
Iqembu leSimba SC lithenge uMuduhwa nge-8 000 yamadola eMelika ngesikhathi liphezulu kwamalungiselelo womkhankaso wayo kunkezo yeCaf Champions League.
UMuduhwa ufika nje leliqembu selikubanga leMini league, okutsho ukuba uzabaluleka njengemvimbi ethenjiweyo.
Iphephandaba likazulu lixhumane loMuduhwa ngoLwesibili emini lapho umdlali lo abike ukuba wehlise inyembezi mhla esayina kuSimba SC.
“Okuhle sekuvela empilweni yami. Kade ngalinda ukuthi ngiyetshibilika kwelinye ilizwe, sekwenzakele,” kutsho uMuduhwa.
“Ngisayine isivumelewano esitsha leSimba SC. Umgcinisihlalo wayo ungitshele ukuba kade bafuna ukuthi ngibadlalele ngakho ngitholakale ngesikhathi esifaneleyo.”
Okwamanje uMuduhwa uselolonga leqembu elitsha.NgoLwesithathu ubonakale enkundleni eselolonga labanye abadlali, kulungiselelwa imidlalo ezayo.
UMuduhwa ukhangelelwe ukuthi ancedise iqembu lakhe elitsha liyefinyelela inkundla ze-final yeChampions League njengalokho akukhangelelweyo.
Uthe uzibona esenelisa ukwenza lokho.
“Ngingumdlali othi nxa engazimisela emsebenzini, engabuyeli emuva.”
Online Reporter