admin
Kuvamile kubantu abalezifuyo ezinengi emakhaya kumbe emapulazini ukuthi baqhatshe umuntu obancedisayo ukukhangela izifuyo zabo kungaba zinkomo kumbe imbuzi, izimvu lamabhiza.
Leli bala lijayelwe ukusetshenziswa ngabantu inengi labo ngithemba abaliqondi ukuthi livela ngaphi njalo litshoni. Lona lilokuthuka lokweyisa ngoba libala elalivame ukusetshenziswa ngondlebe zikhanyi langa.
Phela bona babelengqondo yokuthi umuntu onsundu kulalapho acabanga acine khona, bona sebemncedisa, ngoba becabanga ukuthi umuntu onsundu ucabanga njengomntwana.
Wawuthi nxa ulebizo lakho balitshintshe ngoba bona besehluleka ukubiza amabizo esiNtu. Ngikhumbula omunye umdala wami owayebizwa ngokuthi ngu Nsumansumane, uthi wathi esebenzela omunye umlungu wayembiza bhoyi kwaya waze wamtshintsha ibizo lokuthi Nsumansumane wathi nguSummon lamanje isithupha sakhe usebenzisa lona uSummon.
Lezinsuku laba ababizwa ngokuthi ngamabhoyi inengi labo bafundile njalo sebekwazi amalungelo abo, ungadlala ngabo ungabaholisi kahle, uzabona ngabomthetho wamalungelo ezisebenzi sebekuvakatshela, abasafanani labakudala ababembeswe ngumfasimba wobuphukuphuku lokuswela isikolo, wawufica umuntu esebenzela ukudla engelandaba kumbe ukuthi uholile nxa ephiwa ukudla lendawo yokulala akhohlwe okunengi.
Kwesinye isikhathi labodade abancedisa ezindlini bababiza njalo abanye. Noma ulisebenzisa leli ngithemba usukwazi lapho elasukela khona ukuthi lalisetshenziswa kuseyiswa umuntu oNsundu.
Ayixabene.
Umlobi ungamthinta ku 0714355641
Online Reporter