admin
UPISTO Mosimane umqeqetshi weMamelodi Sundowns ubike ukuthi uyasifuna isicoco sokubizwa njengomqeqetshi owedlula bonke kulumnyaka.
UMosimane, osanda ukunqoba leDowns inkezo yeConfederation of African Football, ubike ukuthi uzizwa ejabulile ukuthi abantu bambona efanele ukuthi aphathe isicoco saphezulu.
Umqeqetshi lo ehlangane labagijimi baseSouth Africa bama-Olympics asebenqobe izicoco zegolide, uWayde van Niekerk kanye lo-Caster Semenya ngabanye babantu abalakho ukuthi bathole imvuzo kumkhosi wokubonga abadlali abenze kuhle lonyaka.
UVan Niekerk wanqoba isicoco segolide emjahweni webanga le-400metres eRio, ikanti uSemenya yena wanqoba emjahweni wabesifazane webanga le-800m.
Umcimbi lo owokuklomelisa ngezicoco uzaqhutshelwa eSand du Plessis Theatre, eMangaung, eFree State, mhlaka-27 kuLwezi.Ngalelo langa kuzanikezwa izicoco ezilitshumi lasitshiya galombili ebalisa owe-Sportsman of the Year, Sportsman of the Year with a disability, Sportswoman of the Year, Sportswoman of the Year with a disability, kanye lowe-Team of the Year.
Umphakathi nawo uzothola ithuba lokubamba iqhaza ngokuthi uvotele umuntu omthandayo emkhakheni we-People’s Choice of the Year.
Kusenjalo, umqeqeshi weJomo Cosmos, uJomo Sono usexwayise abadlali bakhe ngokuthi bangalokhu bebalisa ngosekwenzekile kodwa bavuke bazithathe.
Umqeqeshi utsho lokhu kulandela ukubhaxabulwa iStellenbosch FC nge3-1.
Umqeqetshi uthe akafuni abafana bakhe bazifake ngaphansi kwengcindezi engelaso isidingo.
“Ukunqoba yonke imidlalo kuzofakela laba abafana ingcindezi, ikanti akubalulekanga ukuthi uqala kanjani into ebalulekilyo yikuthi uqeda kanjani.”
USono uthe usekhangelele ukuba banqobe imidlalo emithathu elandelayo.
“Sizaqala ngokunqoba umdlalo walamuhla. Ngayithokozela indlela abafana bami ababedlala ngayo emdlalweni odluleyo.” — Ubulembu
Online Reporter