admin
YiNtatheli kaMthunywa
UMDLALI wakuleli uKudakwashe Mahachi usebangwa ngamathimu wonke kuligi yeSouth Africa eyeAbsa kulandela ukudlala kuhle akwenzayo kulelizinsuku.
UMahachi useligaxa emambuleni mihla yonke lokhe waqala ukukhethwa kuthimu yokuqala kuGolden Arrows.
Loba umdlali lo webolekwa evela kuqembu leMamelodi Sundowns, umqeqetshi wakhe uClinton Larsen kubikwa, uzahlaba phansi ngedolo acele umgcinisihlalo waleliqembu, uMato Madlala, ukuthi aqinisekise ukuthi uKudakwashe Mahachi angene eqenjini leli ngokugcweleyo.
UMahachi usetshaye amagoli amathathu wakha inqwaba ngokunjalo.Ngokutsho kukaLarsen sizahamba siphele isikhathi sokuboleka umdlali lo.
“Ngizatshela umgcinisihlalo ukuthi enze konke okusemandleni ukuthi UMahachi agcinwe lapha eqenjini ngokugcweleyo. Akekho ongaboniyo ukuthi umqoka kangakanani lumdlali. Sihlezi kahle ku-log nje kungenxa yakhe. Ngingabe ngikhuluma iphutha nxa ngingathi kulungile ngiyavuma ukuthi ahambe nxa sekuphele izivumelwano esilaso,” kutsho uLarsen.
Okungacaciyo yikuthi iSundowns izokwenzenjani ngoMahachi.
Online Reporter