Online Reporter
Lovemore Dube
BEKULUTHULI ngoMvulo kusiya ngoLwesithathu kufundiswa ababalisi ngomdlalo we-korfball koBulawayo.
Bekubuthenwe esikolo seCana Primary School ePumula East befundiswa ukutshaya impembe lokuqeqetshwa kwawo umdlalo lo.
Bekungababalisi abathethwe ezabelweni ezibalisa koBulawayo, Matabeleland North kunye le Matabeleland South.
Akade bekhokhela kuhlelo lolu ngophethe iZimbabwe Korfballà Federation, uMelody Mutusa.
Umdlalo lo usukhona eHarare, Manicaland, Masvingo leMashonaland West.
“IBulawayo izaba ngeyesihlanu ukuba lomdlalo lo. Uyakhula lasezikolweni,” kutsho uTarirai Chatebah ongumongameli weZimbabwe Korfball Federation.
Umdlalo we-korfball uhlanganisa i-basketball le-netball ekudlalweni kwawo.
Lapho okuhlohlwa khona kude okwe 3,5m kubesekusiba lendingilizi lapho okuhlohlwa khona.
Udlalwa ngabadlali abayisitshiyagalombili, abesifazana abane labesilisa abane.
“Lo umdlalo uhlanganisa izimuli njengoba udlalwa ngobaba labomama,” kutsho uChatebah.
Uhlelo akade belalo beluphethwe nguye uMelody Mutasa.
Bobabili bakunhlanganiso ye-Africa leRegion 5 eqoqa i-korfball.
USibangani Dube ongomunye wabakhangele umdlalo lo, kuleli uthe bazanika abakade bekhona ithuba lokuthi bayesebenza besazisa inkokheli ukuthi baqhuba njani.
