admin
YiNtatheli kaMthunywa
ABALOTHANDO lomdlalo wokugijima koBulawayo bazathi ukuthola ithuba lokuthi bancintisane kumjaho we-Cure Children Hospital Half Marathon, kuhloswe ukukhuthaza abantu ukuba bakhuthalele ukunikeza igazi.
Umjaho lo uzaqhutshwa enzikini yakoBulawayo mhlaka 4 kuMpalakazi. Umncintiswano lo, uzakube ungaphansi kwendikimba ethi “Change Life Donate Blood” uzakuba ngowokuqala okhankasela ngezempilakahle yabantwana abagcinwe esibhedlela lesi.
I-Cure Children Hospital, yisibhedlela sakuqala koBulawayo esigxile ekwelatshweni kwabantwana.
Umgcinisihlalo weBulawayo Athletics Board (Bab) uWatson Madanyika uthe amalungiselelo ahamba kuhle ngaphambi komncintiswano.
“Umjaho lo uqoqwe yisibhedlela seCure Children Hospital ngokubambisana leNational Blood Services Zimbabwe.
Lanxa ukubhalisa kulumncintiswano kuyimahala, abazaphatheka kudingakala ukuthi banikele ngegazi. Umcimbi lo wenziwe ngenjongo yokukhuthaza ukunikelwa kwegazi edolobheni,” kutsho uMadanyika.
UMadanyika utshele iphephandaba likazulu ukuba ngemva kokuqhuba umjaho wesibhedlela lo, kuzakuba lomncintiswano we-Liquor Hub half marathon ozokuba khona mhlaka 12 kuMpalakazi.
Online Reporter