admin
Mthokozisi Dube
KULENDODA yesigabeni seSaba eBinga emiswe phambi komthethwandaba kuyonale iviki isetheswa icala lokubulala umngane wayo kulandela ukumtshaya ngempama.
Inkundla izwe ukuthi umsolwa uLuyeyo Mumpande oleminyaka yokuzalwa engu-28 wayebukhelela lomngane wakhe lo osengumuyi ebhawa yeKabila kuze kwenzakale isiga lesi.
Inkundla izwe ukuthi mhlaka 17 Mabasa ababili laba babenatha kwenye ibhawa andubana kube lokungazwani okwabangela ukuthi umsolwa asukele umngane wakhe amwankale ngempama ezimbili.
Kuzwakale ukuthi ngemva kokutshaywa ngempama umuyi waqaleka waqala ukukhupha waze wedlula okuyikho okwabangela ukuthi uMumpande asiwe emapholiseni.
Umantshi udlulisele kumhlaka 3 Nkwenkwezi ukuthoniswa kwecala leli kulindelwe incwadi yokuhlolwa kwesidumbu (post-morterm).
Umantshi ubikele umsolwa ukuba abhalele umthethwandaba omkhulu ecela ibheyili kulindelwe incwadi evela koBulawayo ezachaza isizatho sokufa kukamuyi.
Umantshi kulelicala bekunguNkosikazi Ailene Munamati kukanti umtshutshisi bekunguMnumzana BruceMaphosa.
Online Reporter