admin
Thokozile Mbedzi
KULENDODA yesigabeni seKapeni ngaphansi kwenduna uMalaba efe ngemva kokutshaywa yinkosazana ibiya insimu.
Umuyi uNorman Nkomo oleminyaka engu-62 ubhubhe ngoLwesine ngeviki ephelileyo ngesikhathi ebiya amasimu.
Kubikwa uMnu Nkomo wayebiya emasimini akhe ngezikhathi zantambama izulu laqala ukuthwala wasecatshela izulu ngaphansi kwesihlahla ezivale ubuso ngejesi.
Ekhuluma lentatheli kaMthunywa uNkosazana Merlin Ncube ongumakhelwane uveze ukuthi babona uNkomo esiya emasimini.
“UNkomo wahamba emasimini simkhangele singazi ukuthi ilanga lizasitshonela sokukubi. Ngesikhatshana nje izulu lathwala.
“Lithe ilanga selitshonile umzukulu kaNkomo wafika wathi ukhulu kamboni sasesisithi ayemkhangela emasimini, uthe efika lalivele selidume ledlula.
“Umzukulu wafica ukhulu esebhubhile engaphansi kwesihlahla ezivale ubuso ngejesi etshile emzimbeni,” kutsho uNcube.
Isikhulumi samapholisa esabelweni seMatabeleland South uInspector Philisani Ndebele ebuzwa ngodaba lolu uvumile wathi solufikile ehofisini yabo.
“Sithanda ukukhuthaza uzulu ukuba engabocatsha ngaphansi kwezihlahla nxa izulu lisina njalo bengahambahambi ngoba kuyingozi.
“Kumele abantu bahlale ezindlini ukuze benqabele ingozi ezifana lale,” kuphetha uInsp Ndebele.
Online Reporter