adminFairness Moyana
Noma nje kuke kwaba le-xenophobia eSouth Africa, isimanga yikuthi inengi lezizalwane zeZimbabwe lokhe zithengisa lokhu lalokhuya zidinga imali yokuyakholisa eGoli.
Lokhu yikho kanye okwenziwe ngelinye ijaha leBinga elileminyaka yokuzalwa engu-18, elibotshwe ngemva kokutshontsha lokuthengisa inkomo kamakhelwane ukuze lithole imali yokubhadala umalayitsha.
UThando Sibanda ohlala eLusulu ngaphansi kwenduna uSinamagonde wetheswa icala lokutshontsha inkomo kaWilson Ndebele eyisa eChitate eLupane ukuyahlawula ngayo uSibangilizwe Tshuma ukuthi amthwale amchaphise uLimpopo.
Ngenxa yokuswelakala kwenhlanhla umsolwa uphange wabotshwa ngoba umamangala waphanga wananzelela ukuthi kulenkomo yakhe esinyamalele.
Ngenxa yokwazi ukulandela isondo, uNdebele uye wayawela emzini kaTshuma wathola ijongosi lakhe lisesibayeni njalo lomalayitsha esesuka.
Umsolwa owayesesemoteni wehliswa ngokuphangisa, ngemva kwalokho uNdebele wayabikela amapholisa ahle abopha umsolwa.
UMsolwa wetheswa icala lokutshontsha inkomo elilesigwebo sokupika iminyaka eyisitshiya galolunye ejele.
Online Reporter