Online Reporter
Ethel Ncube
KULENDODA yeMphoengs ePlumtree emiswe emthethwandaba wePlumtee ngeviki ephelileyo isetheswa icala lokuzama ukudlwengula owesifazana kunye lokumtshontshela imali engange-R4 000.
Umsolwa uMazikhona Ncube wesiqintini se-Ingwizi kazange abuzwe ukuthi uyalivuma kumbe uyalilandula icala lakhe emthethwandaba ngeviki ephelileyo kodwa uzabuye aphenduke mhlaka 27 Ncwabakazi.
Umtshutshisi uSheila Nyathi ubike ukuba umsolwa walanda umamangala endlini yakhe ngenhloso yokuyamdlwengula.
“Mhlaka 11 Ncwabakazi umsolwa wahamba endlini kamamangala wathola umnyango uvuliwe wangena wathi efika wahle wakhulula ibhulugwe lakhe phambi kukamamangala andubana amdonse ngentamo wambamba isiketi ezama ukumhlubula. Ngenhlanhla umamangala wenelisa ukubamba isiketi sakhe ukuthi angamkhululi.
Umsolwa lokhu kwamzondisa watshaya umamangala ngesibhakela emlonyeni ngoba esala ngemva kwalokho wamthathela i-R4000 qede wadla phansi. Umamangala wahamba wayabikela amapholisa okwenza uMazikhona wabanjwa,” kutsho umtshutshisi uNkszn Nyathi.
Umantshi bekunguJoshua Nembaware.
