admin
Mthokozisi Dube
UGATSHA lukaHulumende olubona ngezemisebenzi olwe-Public Service, Labour and Social Welfare solubike ukuba luqhuba izifundo zokuqeqetshisa uzulu ngohlelo lweZim Asset.
Ekhuluma lephephandaba likazulu uMnumzana Mugove Mubhika onguPrincipal Research Officer kulolugatsha ubike ukuba uHulumende uqhuba izifundo lezi ngenjongo yokuhlomisa uzulu mayelana leZim Asset.
“Njengogatsha sisebenzelana ndawonye lehofisi kaMongameli kungakho sesisungule izifundo ezitshiyeneyo (courses) ezikhangele ukunceda ikakhulu ingatsha zikaHulumende ngendlela zokukhokhela amahofisi abo,” kuveza uMnu Mubhika.
UMnu Mubhika ubike ukuba benza lokhu ngenjongo yokuhlomisa abathungameli bengatsha zikaHulumende ngolwazi lokusebenzisa imali kumankampani la.
“Kunyanga ezintathu ezedluleyo, siqeqetshise ezinye ingatsha zikaHulumende njalo sikhangelele ukuthi ezinye zithaphe ulwazi lona oluza kungelambadalo,” kubika uMnu Mubhika.
Izifundo lezi azikhethi muntu, labasebenza ngaphansi kukaHulumende, ababalisi, abongikazi kanye lamabutho balakho ukuphatheka kulezizifundo eziqeqetshisa ngokukhokhela emisebenzini.
“Abasebenza kuHulumende baqhuba izifundo lezi okweviki eyodwa andubana ugatsha lwabo lutsho ukuba bazaqedisa nini lezo zifundo,” kubika uMnu Mubhika.
Uzulu ofisa ukungena kulezizifundo ukhululekile ukuya emakolitshini afana leElangeni ukuze ayeqeqetshiswa ngezobukhokheli,” kuphetha uMnu Mubhika.
Online Reporter