admin
Joel Ndlovu
ABALIMI sebexwayiswe ukuba kuqakathekile ukuthi babe lolwazi lokuvikela izifuyo zabo kumikhuhlane ethwala zinyamazana zeganga.
Ingcitshi kwezokulima kanye lokufuya uMnumzana Never Verengera kunkampani yeFarm and City Centre ukhuthaze abalimi ukuthi babelolwazi lokuvikela amapulazi abo ukuze kungabi lokumemetheka kwemikhuhlane emapulazini angomakhelwane.
Ekhuluma lentatheli kaMthunywa uMnu Verengera uthe ukuze kungabi lomkhuhlane epulazini kumele umlimi avimbe ukubakhona kwama-pathogens ngokuhlanza lapho agcina khona izifuyo zakhe ngemithi ngoba ayingozi.
“I-biosecurity iyanciphisa ingozi yama-pathogens ekwakheni okuyikho okuvimba ukuthi umkhuhlane weqe usiya komunye umhlambi uvela komunye. Ama-pathogens lawa enza ukuthelelwana kwemikhuhlane kube lula kakhulu izifuyo zicine zisifa okubangela ukulahleka kwenzuzo okungakhangelelwanga,” kulandisa uMnu Verengera.
“Kuqakathekile ukuthi ube lothango oluphakemeyo epulazini lakho ukuze inyamazana zingangeni lula zizenzela umathanda ngoba zilakho ukubuya lemikhuhlane zizothelela izifuyo zakho. Uqhubekele phambili esithi okunye okubalulekileyo yikuthi umlimi ahlale egezisa imitshina esetshenziswa epulazini ngemithi ebulala amagcikwane ukuze imitshina le ingagcini amagcikwane.
“Ngaphandle kokugezisa imitshina abalimi bakhuthazwa ukuthi izisebenzi kanye lezivakatshi zigeze izandla kanye lempahla ezikhethekileyo njalo ezihlanzekileyo ukuze bangangeni lemikhuhlane lapho okuhlala khona izifuyo,” kulandisa uMnu Verengera.
UMnu Verengera uphethe ngokuthi abalimi bathiye ngoba lawo ngamanye abuya lemikhuhlane epulazini.
Online Reporter