admin
YiNtatheli kaMthunywa
UBUDLWANGUDLWANGU babowindi kukhanya buqhubekela phambili nanko phela omunye usebhaxabule intombazana eleminyaka engu-16 ngoba iyale ukugada umtshova.
Umsolwa uFortune Ncube (27) umiswe phambi komthethwandaba esetheswa icala lokutshaya uSheneta Mhingidzi esilindweni seMaunga turn-off eMakhandeni.
Inkundla izwe ukuba ngesikhathi umamangala emile kwadlula umtshova lapho umsolwa ayenguwindi khona kodwa yena kasawugadanga okuyikho okwahle kwamcunula.
Umtshutshisi uMnumzana Mufaro Mageza ubike ukuthi umsolwa walanda umamangala wamdonsela phandle komtshova lo ayesewugadile wamwakala ngamampama.
Ezinye izakhamizi zahle zambamba umsolwa zamusa emapholiseni.
Umsolwa ubemiswe phambi kukamantshi uMnumzana Willard Maphios Moyo njalo ulivumile icala lakhe wathi wayecunulwe yikuthi umamangala wayemise yena kuqala kodwa wasegada enye imota.
Umantshi udlulisele ukuthoniswa kwecala leli phambili.
Online Reporter