admin
YiNtatheli kaMthunywa
NGENXA yokuthanda ukukokotsha kulenina leLupane eligwazwe ngembodlela ekhanda ngumkalo ngoba litshiye likhiyele umntwana oleminyaka yokuzalwa emithathu endlini lisiya ebhawa.
Lokhu kuvele ngesikhathi uThembani Nxumalo emiswe phambi komthethwandaba weLupane esetheswa icala lokuzama ukubulala.
Umtshutshisi uMnumzana Wilberforce Ngoshi utshele inkundla ukuthi mhlaka 28 Nhlolanja umamangala uThobekani Nxumalo wasuka waya ebhawa watshiya ekhiyele umntanakhe (3) endlini waze waphenduka phakathi kwamabili.
Kuzwakale ukuthi ekuphendukeni kwakhe wafica imbila sezithutha ngoba umkakhe wayevele esemlindele.
Inkundla izwe ukuthi kwaqhamuka impi phakathi kwalaba ababili, umsolwa wasedobha imbodlela watshaya umamangala ekhanda kodwa wenelisa ukuphunyuka wayacatsha komakhelwane.
UThembani ubemiswe phambi kukamantshi uNkosikazi Aileen Madzorera ngoMvulo njalo ulivumile icala wathi wayecatshulwe yikuthi wafica umntanakhe etshiywe yedwa ebusuku yena emncinyane.
Umantshi udlulisele ukuthoniswa kwecala leli kumhlaka 6 Mbimbitho.
Online Reporter