admin
Ophezulu Stinta
Siqhubeka logwalo lwethu lapho ngeviki edluleyo sifunde okunengi ngempilo yesithenjini lapho uMaNkala ebesebiselwa ngakibo ngenxa yokwehluleka ukumelana lempilo, kanye lakho okuphelekezelana lempilo yesithenjini.
Isalukazi sakoDungeni sihamba sizama laso ukukhuza kanye lokuxwayisa uKhonzaphi uMaNkala ngempilo yesithenjini kanye nje lokuziphatha jikelele komuntu wesifazana emendweni, indlela okumele ahloniphe ngayo umkakhe. Kanye nje lokubopha inhliziyo loba kungavumi. Kodwa-ke usalaya langaziphi esevele esechithekile kwasekungumthandazo ngemva kokufa-ke lo, uMaNkala sewabhekise kibo.
UNqagala yindoda eyayingaguquki kusinqumo esithetheyo, okokuthi nje uMaNkala efulathela ewabhekise kibo wahle nje walibala ngaye waphuma kwaphela enhlizyweni yakhe.
Wahlala ngakibo uMaNkala waze wabeletha okaMsipha ethule zwi. Kulapho-ke ingane yakhe eyaze yaphiwa igama elithiwa nguMlahlwa kusukela ekulahlweni kwakhe nguyise.
UMlahlwa lo wayefana xathu loTshaka, wavela nje wakhula ehlupha kukanti laye njalo ngokufanayo wayehlupha abanye futhi.
Wayelahliwe ngempela uMlahlwa lo, kwathi nje eseleminyaka emine lonina wamtshiya esesiyakwenda ezimayini zeFredi le, lakhona abuya futhi kwamehlula ukuhlala emzini owodwa.
Online Reporter