Online Reporter
Bongani Ndlovu
SEKUBOTSHWE abathathu abasolwa ngokubulala enye indoda eyayinceda abantu esigabeni seMaphisa esabelweni seMatabeleland South.
Abathathu laba nguNkosana Mangena (29), Tapiwa Mpofu (29) loMthabisi Ndlovu (32).
Laba betheswa icala lokubulala uChelesani Moyo (32) eJ. Mafuyana Township mhlaka 29 Nhlangula.
Ngokutsho kwesikhulumi samapholisa kuleli uCommissioner Paul Nyathi, uMoyo watshaywa ngebhemba ngesikhathi encedisa ukufuqa imota yabanye abantu ababili, eyayifile emgwaqweni lo.
Isikhulumi samapholisa sithe abasolwa laba babuye batshaya abanikazi bemota, babulala lemota.
“Abasolwa batshaya uMnumzana Moyo ekhanda ngebhemba. Omamangala balimala, omunye wasikwa umunwe.”
Uthe mhlaka 30 Nhlangula amapholisa eMaphisa athola umbiko ngalelicala.
“Amapholisa atshayela umphakathi izandla ngokuza lodletshana oluncedisa ukuthi kubotshwe laba abantu.
Ukhuthaze labo abangabe belolwazi olithile ngamacala emphakathini ukuthi baxhumane lamapholisa ku: (0242)703631 kumbe kuWhatsApp 0712 800 197.
