admin
KULIVIKI kujabula uKaitano Tembo umqeqetshi weSuperSport United loKhama Billiat umdlali weKaizer Chiefs.
Bobabili bathole ukunqoba kumidlalo ebalulekileyo ngempelaviki.
Kuqhilike izihlathi kumqeqetshi weSuperSport United ngomsebenzi womgadli wakhe uThamsanqa Gabuza, ohlohle amabhola amabili iqembu leli lisehlula iTS Galaxy emdlalweni weDStv Premiership.
I-SuperSport inqobe nge 3-0.
Umgadli Kaizer Chiefs, uBilliat, ubike ukuba ufisa bahambe ibanga elide kuCaf Champions League ukuze bajabulise usihlalo weqembu uKaizer Motaung.
Ukhulume lokhu ngemva kokuba i-Chiefs ingene okokuqala esigabeni samaqoqo eChampions League emuva kweminyaka engu-26.
Amakhosi ahlule iPremiero de Agusto yase-Angola nge 1-0. Amakhosi adlale ngaphandle kwezethenjwa zayo u-Itumeleng Khune, Willard Katsande loLebogang Manyama.
Ibhola lihlohlwe nguLeonardo Castro ngemuva komsebenzi omuhle kaBilliat.
UBilliat wanqoba isicoco seChampions League leMamelodi Sundowns ngo-2016. Uthe ufuna balandele ezinyathelweni zamaqhawe eChiefs bajabulise uMotaung.
“Ngiyakholwa ukuthi sonke sifuna ukufika ekucineni kweChampions League. Sidinga ukuba yisizukulwane esizokwenza lokhu okwenziwa ngabaphambili,” kutsho lumdlali.
Online Reporter