adminKUZABE kungabizwa ozwayo ngoMgqibelo kuyonale iviki eQueens Sports Club lapho isiphalaphala sentombi esiyingcitshi kwezokuhlabela uDJ Zinhle esizatshiya amadoda exega amabhulugwe kutshise lezansi yenkaba. UDJ Zinhle uzabe ebophene umsila lesikhokho seZim Dancehall uWinky D labanye abaculi. Zithole lawe ulandela abanengi usiya khonale.
* * * * *
E-Pub La Gondola uku-jaiva kuqala lamuhla kumcimbi wabo-cherry abacwebezelayo obizwa ngokuthi yiLadies Night. Kuthi ngoLwesihlanu oDJ bodumo uDexter loWycliff bazabe betshila incingo kutshaye inhliziyo. Ukungena yimahala kanti okuqandayo kutshiphe kubolile kukothaphutshiye.
* * * * *
I-Casino ekuRobert Mugabe phakathi kuka10th lo 11th izabe ibaba ngempelaviki. Idola lakho kuphela yilo elizakupha ithuba lokudlala ama-games afana loPalms, Skills, Gamenet lamanye amanengi uphume usuphethe izigidi zemali. Kusukela ngo10 ekuseni kusiya ku-5.
* * * * *
Abalandeli bakanobhutshuzwayo bona labo bazabhekisa amabombo enkundleni ezehlukeneyo lapho okuzabe kudibana amathimu ehlukeneyo kunkezo yeChibuku Jamboree.
Online Reporter
- uMthunywa
- September 17, 2026
- 9 views
UMongameli uMnangagwa uqeqetsha abafundi beNUST abangu-2 570
Yintatheli kaMthunywa KUME konke koBulawayo, kwaba yinjabulo mgoLwesihlanu kuqhutshwa umbuthano wokwetheswa kwezicoco zemfundo kubafundi beyunivesithi ye-National University of Science and Technology. Abafundi abangu-2 570 baphiwe incwadi zabo zokuqeda izifundo nguMongameli…
