admin
YiNtatheli kaMthunywa
UKUNGAHLELEKI kwenhlanganiso yeZimbabwe Football Association sekuphazamise amalungiselelo eqembu lamaWarriors elizakuyancintisa kunkezo yeCosafa eSouth Africa ngeSonto.
AmaWarriors kumele ayedlalela ukuthola umvuzo weR500 000 olwelwa ngamazwe akumhlubulo ongeZansi yelizwe.
Ngokuzwa kwabafakazi abasemawofisini eZifa eHarare, kubikwa abanye abadlali bayehlukela ukufika enkundleni zokulolonga. Kubikwa ukuba ngaphandle kokugxanguza kweZifa, kulabadlali abadelela umqeqetshi ababalisa uHardlife Zvirekwi loMarshal Mudehwe weFC Platinum.
AmaWarriors kuzamele aqale ngokudlalela ukuyafinyelela ihlandla lamaqula kulumncintiswano.
IZimbabwe izahlangana leNamibia, iSeychelles le- Mauritius kuqula lika-Group A.
Nxa amaWarriors ezaphumelela kuhlandla lamaqula, azaqhubeka ayehlangana leZambia kuma-quarter final.
Nampa abadlali abakhethiweyo:
Onozinti: George Chigova, Tatenda Munditi,Bernard Donovan.
Imvimbi: Hardlife Zvirekwi, Kelvin Moyo, Ralph Kawondera, Justice Jangano, Douglas Sibanda.
Phakathi: Danny Phiri, Livingstone Genti, Tinashe, Chipunza, Raphael Manuvire, Marshal Mudehwe,Thomas Magorimbo, Evans Rusike.
Abagadli: Pritchard Mpelele, Talent Chawapiwa, Carlos Rusere, Moses Demera, Charlton Mashumba.
Online Reporter