admin
UNINA wezingane ezine, azibulala ngokuzidlisa umuthi wokubulala amagundwane, uvume amacala amane okubulala.
UNkosazana Zinhle Maditla, weMpumalanga, uvume amacala amane okubulala izingane zakhe izolo enkantolo eNkulu eMiddelburg.
Umeli wakhe, efunda isitatimende sokuvuma icala, uthe uNkszn Maditla wawudla lo muthi ezama ukuzibulala. Unxuse inkantolo ukuba imzwele.
Esitatimendeni sakhe avume kuso icala uthe wathola uyise wezingane zakhe elomunye wesifazane.
Uthe waphatheka kabuhlungu kwathi esetekisini wabona owayedayisa umuthi wokubulala amagundane wawuthenga ngoR10 ngenhloso yokuzibulala yena lezingane zakhe. Icala lizoqhubeka lamhlanje njengoba kulindeleke ukuba afakaze ukuze athole isigwebo esingcono.
UMbuso lawo kulindeleke ulethe abazofakaza ukuqinisa icala ukuze athole isigwebo esifanele amacala akhe.
Khona njalo uNicholas Ninow, izolo uzivumele icala lokudlwengula intombazane eleminyaka eyisikhombisa. Le ntombazanyana yadlwengulwa isethoyilethi lendawo yokudla eDros, eSilverton, ePitoli.
UNinow uvume icala lokudlwengula, elokutholakala lezidakamizwa lelokuphazamisa ukusebenza komthetho.
Icala ulivume enkantolo eNkulu yePitoli. Uliphikile icala lokutshaya.
Kuthiwa le ntombazanyana yamfica ethoyilethi labesifazane esidla izidakamizwa, enqunu ifuna ukuzikhulula.
Unina wentombazane wabamba umdlwenguli oqotsheni edlwengula indodakazi yakhe. Abesifazane be-ANCWL bebengaphandle kwenkantolo bebhikitsha. Kulindeleke ukuba agwetshwe maduze. — Ubulembu
Online Reporter