Online Reporter
Brandon Moyo
KUZAQALA imidlalo yekhilikithi kusizini ka2025/26 kuleli ngempelaviki lapho okuzadlalwa khona koBulawayo laseKwekwe.
Imidlalo yeLogan Cup isungulwa ngeSonto lapho iRhinos ezadlala khona le-Eagles enkundleni yeKwekwe Sports Club. ITuskers izabe isekhaya leSouthern Rocks, enkundleni yeQueens Sports Club koBulawayo.
Intshantshu zanyakenye iMega Market Mountaineers, eselinqobe iLogan Cup iminyaka emibili ilandelana, livula isizini liku-bye. Amaqembu azaphinda ahlangane njalo kuPro 50 Championship mhlaka 31 Mfumfu.
Kuhlandla lesibili lemidlalo, iMega Market Mountaineers izangena umango iqonde koBulawayo lapho elizadlala khona leTuskers. IRhinos idibana leSouthern Rocks.
Izaphenduka njalo iLogan Cup mhlaka 6 kusiya ku 9 Lwezi. IPro50 izadlalwa mhlaka 11 Lwezi njalo i-Eagles izabe iku-bye.
Ngeviki elandelayo, kusukela mhlaka 17 kusiya ku 20 Lwezi, iMountaineers izabe isekhaya idlala leSouthern Rocks enkundleni yeMutare Sports Club, kumdlalo weLogan Cup.
Iqembu le-Eagles lizabe linxuse amaTuskers eHarare Sports Club. Imidlalo yePro50 izabe imhlaka 22 Lwezi enkundleni ezifanayo. Ezabe iku-bye yiRhinos.
Ihlandla lesine leLogan Cup, i-Eagles izadibana leMountaineers eHarare Sports Club, kuthi iTuskers ikhangelelwe ukuthi idlale leRhinos eQueens Sports Club. Mhlaka 3 Mpalakazi, kuzadlalwa eyePro50 enkundleni ezifanayo.
Kuhlandla lesihlanu, amaTuskers azabe eku-bye. IMountaineers idlala leRhinos eMutare Sports Club. ISouthern Rocks ihlangana le-Eagles enkundleni yeMasvingo Sports Club kumidlalo yeLogan Cup kusukela mhlaka 9 kusiya ku 12 Lwezi. Imidlalo yamaPro50 izabe imhlaka 14 Mpalakazi.
Ngesizini edluleyo, iMountaineers yaqeda ilemiklomelo engu-139, ilandelwa yiRhinos (130).
