AbeZifa badinga ihofisi eMatabele’land North

The domestic football mother-body have in the last two seasons expressed worry over underwhelming referees whose officiating has sparked controversies in matches across different leagues.

Fungai Muderere

INKOKHELI zenhlanganiso yeZimbabwe Football Association esabelweni seMatabeleland North, zibika ukuba kumele kube lehofisi lokuvuselelwa kwenhlelo zomdlalo kulindawo.

Lokhu kuvele kumhlangano obuseGwayi-Valley Resort ngoMgqibelo lapho isabelo lesi ebesiqhuba uhlelo lokufundisa lokwabelana ulwazi kuziphathamandla zomdlalo eMatabeleland North, Bulawayo lakungatsha zama-Area Zones.

Umsekeli kamgcinisihlalo weZifa uKennedy Ndebele ubengumqondisi omkhulu walumhlangano.
Inhloso bekuyikuvuselela ibhola lenyawo kulezi indawo.

Loluhlelo lwaluhlelwe ukuze kwengezwe ulwazi, ukwazisa ngokuhamba phambili kwezenguqu emhlabeni lokukhuthaza intuthuko emdlalweni.

Ekhuluma leZimpapers Sports Hub kuliviki, umgcinisihlalo weZifa eMatabeleland North uHardly Ndazi uthe: “Umhlangano lo usiphakamisile njengeMatabeleland North. Kunengi okumele sikwenze njengesabelo, ukuze sivuselele umdlalo.

“Kunengi okungekho, okunye akusebenzi njalo kumele sibe lehofisi. Ukungabi lehofisi akukho kuhle. Sifuna ukuphakamisa ithalenta lomdlalo kulindawo, ngakho kumele sibe lalapho esisebenzela khona,” kutsho uNdazi, owatshiya ukuba ngunompembe ngesizini ka2022.

Kusenjalo, abaqeqetshi bomdlalo kuleli bangene kuzifundo zokuvuselela ulwazi kumkhosi yeConfederation of African Football (Caf) A.

Bazahlangana eZifa Village okweviki elilodwa. Osaphethe isikhundla sikanobhala jikelele weZifa, uNorman Gwangadza ubekhona ekuvulweni kwalezi izifundo ebeziqhutshwa ngumqondisi wezokuqeqetsha kuZifa uDominic Niyozima.

“Phakathi kwaliviki, abaqeqetshi bazaphatheka kuzifundo, baphinde baye enkundleni. Lokhu kutshengisa indlela iZifa efuna ukuqondisa ngayo imidlalo, ukuze abaqeqetshi bahlale besazi inguquko lengqubekela phambili emdlalweni.”