Online Reporter
Umlingisi wakweleSouth Africa obethandwa ngabantu abanengi uDon Mlangeni Nawa (65) kasekho emhlabeni.
Ngokutsho kwesitatimende esithunyelwe ngumdeni wakhe, uNawa udlule emhlabeni lamuhla ngoLwesithathu ekuseni.
Lumlingisi wazakhela udumo eminyakeni edlule elingisa indawo kaMhlongo emdlalweni iHlala Kwabafileyo. Uke wabonakala lakweminye imidlalo okubalwa kuyo iSgudi Snaysi leSidingo lapho abelingisa engu Zadebe “Zeb” Matabane, The estate, The throne, Legacy, Uzalo, Abomama kunye loBambo lwami.
Umdeni umchaze njengomuntu obelothando, ehlonipha futhi ebakhathelela abantu abaseduze laye. Umdeni wakoNawa uthi izinhlelo zenkonzo yesikhumbuzo lomngcwabo zizamenyezelwa ngokuhamba kwesikhathi.
Ubonge lemiyalezo yenduduzo elokhu ingena ivela ebantwini abehlukeneyo ngokudlula emhlabeni kukayise wekhaya.
