adminMsilisi Dube
Abalimi beKezi sebefundiswe ngokuqakatheka babuya bakhuthazwa ukuthi bakhe ama-tool sheds ukuze impahla zabo zokulimisa zigcinakale kuhle njalo zivikelekile ngesikhathi sebusika.
Ekhuluma lephephandaba likazulu kuyonale iviki, umlimisi walindawo uMnumzana Simon Kwangwari osebenza ngaphansi kogatsha lwezokulima lemitshina esetshenziswa ekulimeni uthe abalimi bamele bakhe indawo zokugcinela impahla yabo yokulima ukuze isikhathi sezulu sifice impahla zivikelekile.
“Kuqakathekile ukuthi impahla zokulimisa zivikelwe ezulwini kumbe elangeni ngoba izulu liyona insimbi. Ikakhulu izulu lakuqala lona elandise ukuba lama-acids ayingozi kakhulu ensimbini ngoba esidla insimbi kumbe eyiguguda,” kulandise uMnu Kwangawari.
UMnu Kwangari ubuye wakhuthaza njalo abalimi ukuthi bahlale bethambisa amabhawudo empahla ezifana lamakhuba enkabi kanye lezikofolo ukuze kuvikelwe irusi (rust) ukuthi ingaphambanisi lezimpahla.
“Abalimi bayakhuthazwa njalo ukuthi ngaso sonke isikhathi bahlale bethambisa wonke amabhawudo empahla zabo ukuze nxa sekufika isikhathi sokulima impahla zabo zibe zifanele ukusetshenziswa,” kuphetha uMnu Kwangawari.
Itool shed ngokuyindlwana okwakhiwe sagalaji lapho abalimi ababeka khona impahla yabo yokulima ukuze igcinakale.
Online Reporter