Online Reporter
Brandon Moyo
UMQEQEtSHI weMakhosi Cricket Club 1, uFlemming Nkomo, uthe uyaziqhenya ngokudlala kweqembu lakhe njengoba belungiselela umdlalo omqoka wokuqeda i-T20 Blast yeNational Premier League (NPL) leTakashinga Patriots 1.
Iqembu leli, elidabuka koBulawayo, libe kunombolo yesine kusigaba se-round robin ukuze lizibekisele itikiti le-playoff, ngenxa yokuthola ama-wicket ayisithupha phezulu kweTakashinga 1. Khathesi izadinga ukuthi iphinde umphehlo.
Ukunqoba kuzakwenza Amakhosi afike kusigaba esilandelayo lapho abadlala khona leRimuka Cricket kumbe iGladiators Cricket Club.
UNkomo uthe: “Abafana balwe kanzima ukuze bafinyelele kuma-play-offs futhi kufanele sidlale ikhilikithi engcono kakhulu.
“Kumele siphendukise umdlalo wethu we-A. Ngumdlalo we-T20, ngakho-ke kungenziwa loba ngayiphi indlela ukuze sinqobe. Ngikholwa ukuthi iqembu elitshaya liphinde lijike kuhle ibhola, yilo elizanqoba,” kutsho uNkomo.
“Kuqakathekile ukuthi into yonke ihambe ngendlela efaneleyo. Inhloso yikuphatha umdlalo munye ngamunye.”
Kumdlalo wazo wakuqala, iTakashinga 138/9 kuma over angu-20. Amakhosi 1 aba le-142/4.
Kwakhokhela iRimuka ngemiklomelo engu-10 inqobe kahlanu, yanqotshwa kabili. IGladiators isalele emuva ngenxa ye run rate. Amakhosi 1 leTakashinga 1 zaphetha zilingene ngemiklomelo eyisitshiya galombili.
INational Premier League yiyo inkundla enkulu emdlalweni wekhilikithi kuleli, kulandela iT20 Blast.
