Online ReporterIZINTOMBI ZaKwaXimba eNumber 9 zigubhe uSuku lweNkululeko ngokumatshela ukuhlukunyezwa kwabantu besifazane lezingane emigwaqweni yakule ndawo.
Ngaphambi kokugcwala imigwaqo izintombi ziqale zakhempa ubusuku bonke eholu lomphakathi lapho bezikhuthazwa futhi ziqatshiswa ngezihlava ezihlukahlukene zingcitshi kundima ezehlukeneyo.
Omunye ulomehlo waKwaXimba, uNkkz Sthembile MaNgubane Ndlovu, uthe bahlanganise izintombi nto ngenhloso yokuba zihlonyiswe ngolwazi futhi zixwayiswe ngezinto eziyingozi ezihlukumeza abantu besifazane kulezi insuku.
Uthe bebedonsa izintombi ngendlebe bethi azifunde ukwamukela isimo sasemakubo ngoba abanye abantu besifazane bazithola sebehlukumezeka othandweni ngenxa yokuthi basuke belandela ibhodwe eliconsayo.
Uqhube wathi babuye bagqugquzela izintombi ukuba zigxile emfundweni ukuze zithole imisebenzi engcono engenza zikwazi ukuguqula impilo yangakibo. UNkkz Ndlovu uthe babuye baxwayisa izintombi ngeziqumama eziziheha ngezinto ezinhle kanti ziqonde ukucekela phansi ikusasa lazo.
“Kufanele ziyeke ukuhalela impilo ezingakafiki kuyo lezinto eziyibukhazikhazi ekubeni zingazithenganga ngemali yazo. Kulomuntu intombi ezozwana laye, ayenzele konke okuhle, intombi ize izitshele ukuthi uyayithanda, akabheke lutho kuyo, kanti uzoyiphendukela esiswini njengotshwala, ayidlwengule, esefuna ikhokhele zonke izinto abeyinika zona,” kutsho uNkkz Ndlovu obebambisene loNkkz Nomthandazo Khanyile, Nkkz Zethu Mkhize, uNkkz Dumazile Maphanga loNkszn Zandile Hlongwane.
Ubuye wadonsa izintombi ngendlebe wathi azibaxwaye o-lift ezibanikezwa ngabantu besilisa ngoba abanye bakhohlakele.
“Lasekhaya intombi mayingathembi muntu ngoba kukhona ongayigila ngoba efuna ukuyala umzali wayo. Intombi nxa kukhona ekusolayo okwenziwa nguyise loba ngumfana wakubo, njengokuthi ayipopole igeza loba atsho okuthize ngomzimba wayo, ayisibikele ukuze lusheshe lusukunyelwe lolo daba. Intombi mayingathuli ize ificwe yikudlwengulwa loba ukufa.”
UNkkz Ndlovu uthe izintombi zibuye zathola amazwi alobuhlakani kosonhlakalahle, abahlengikazi lasemapholiseni. Izikhulumi bekungumhlengikazi waseMsunduzi, uSister Nonhlanhla Gonya, umsebenzi wakwaMasipala uMnu Zwe Mlungisi lokhulumele abazali uNkkz Lungelo Ngubane kanye loMnu Ngidi (elingatholakalanga igama lakhe) okhulumele amapholisa aseMsunduze.
Kwenzeka lokhu nje kuhlale kukhalwa ngezibalo eziphezulu zokuhlukunyezwa kwabesifazane lezingane.
