admin
YiNtatheli kaMthunywa
KUYAVELA ukuthi abemalutshwane amakholwa asehlabe aphelela ijekiseni leCovid-19. Loba amabandla okholo ephiwe imvumo nguHulumende yokuthi bahlangane ezinkonzweni, inengi labafundisi liqhubeke ngokutshumayela ebulenjini.
Amabandla amakhulu abalisa iRoman Catholic (AmaRoma), iSeventh Day Adventist (SDA) lamanye awePentecost awazange azikhathaze ngokuvula iminyango.
Omunye umfundisi weRoman Catholic uthe bakhangelele ukuvula ngenyanga ezayo.
“Okwakhathesi sisakhangele isimo. Ukuphepha kwamakholwa kumqoka kithi,” kutsho umfundisi lo, ongathandanga ukuqanjwa ngebizo webandla eliselokitshini leMganwini.
Amalunga ebandla le Methodist abonakale engena ebandleni labo.
Abandla amaPostoli abuthana egangeni wona aqhubekile. Inengi lamakholwa la libuthane kungalandelwa izixwayiso zokuvikela iCovid-19. Amapostoli sokukanengi ehluphana loHulumende labezempilakahle ngokungafuni ukuyahlatshwa.
Online Reporter