admin
Thokozile Mbedzi
ZILOKHU zididekile izakhamizi zesigabeni seThornwood East eDubani kuVillage 22 ngemva kokuba omunye untombazana ebambisane labantwabakhe kunye labangane bakhe batshaya uyise.
Kubikwa uHasan Phiri oleminyaka engu-77 utshaywe yindodakazi yakhe, uHlengiwe Ncube oleminyaka engu-42 yokuzalwa elabangani bakhe labantwana.
Kubikwa UNcube lizalibelethwe aqala ukuhlala lalo lileminyaka emine.
Ekhuluma lentatheli kaMthunywa uKhansila Mary Mpofu eMatabeleland weCollen Bawn Thornwood uthe kulihlazo ukuthi umntwana atshaye umzali wakhe.
“Njengomphathi ngizwa ubuhlungu ngoba yinto ebuhlungu ukubona umuntu omdala ehlukuluzwa.
“UPhiri wathola indawo leyi wakha lonkosikazi wakhe yena ngomdabu uvela eMozambique ekuthatheni kwakhe unkosikazi wakhe wamthatha elomntwana lo, eleminyaka emine khathesi usele 42.
“Unkosikazi kaPhiri wabhubha ngakho wasala loyise labantwabakhe,” kutsho uKhansila Mpofu.
“UNcube ubehlala eGoli kodwa lokhu waphendukayo wenza intando yakhe njalo wafika endlini ebusuku labantwabakhe labangane begcwele emoteni yomhlobo we Honda Fit kungakho uKhulu wasesithi uhambelani ebusuku njengoba lemithetho ye Covid layo ikwala lokhu.
UMthunywa uzwe ukuthi uNcube wacaphuka ukuthi kungani uyise embuza lokhu waqala ukumtshaya bemthelela labantwabakhe kunye labangane ababebuye bonke begcwele emoteni.
Kubikwa bamtshaya besebenzisa izikhali ezigoqela amahloka lemikhonto waze waqaleka bamphosela emoteni becabanga ukuthi usefile kodwa wasephaphama.
Esephapheme baqonda laye enkambeni yamapholisa bengazange batshele bantu.
Uphethe ngokuthi wathi ebuza sobhuku, walapho abahlala khona wathi ezako Phiri kazipheli.
“Ngithe ngibuza uSobhuku wabo, uEnock Sibanda wathi uyakwazi njalo labo kababulalane okwa eza kimi sobala ukuthi kunengi njengoSobhuku akwaziyo okwenzakalayo.
“Ngicela umthetho ulungisise udaba lolu umuntu omdala ahlale kuhle emzini wakhe ngenhlonopho,” kuphetha uKhansila Mpofu.
Online Reporter