Online Reporter
Peter Ndlovu
UKUBA yintshantshu yeligi yeZifa Division One kumhlubulo ongezansi yelizwe, okwenziwe yiBulawayo Chiefs kujabulise loPeter Ndlovu, osethule amazwi enkuthazo kuleliqembu.
UNdlovu, usaziwayo kwezenguqu, enkundleni zokuxhumana ebulenjini, utshayele iBulawayo Chiefs ihlombe ngokuphenduka kwayo enkundleni zePremier Soccer League.
“Ngihalalisela iBulawayo Chiefs – umongameli, inkokheli, abaphathi, ithimba lezingcitshi elikhokhelwa ngumqeqetshi omkhulu, abadlali labalandeli beqembu– ngokubuyela kuPremier League. Ukusebenza nzima kuyabhadala. Ngilifisela okuhle,” kutsho uNdlovu.
IBulawayo Chiefs, eyaphuma kuPSL ngo2024, ithethe isicoco sikaDivision One ngemva kokunqoba iBosso 90 nge 2-1, yengeza imiklomelo yalo yafika ku-76, okutsho ukuthi akusela iqembu elingayisusa esiqongweni nanko sekusele imidlalo emibili kulisizini.
