admin
Nkosilathi Sibanda
ABADLALI benguqu bakuleli abadlala besemazweni sebeqalile ukuza belande ukuba yingxenye yeqembu lesizwe, amaWarriors elizadlala lesizwe seBotswana leseZambia kumkhankaso we-African Cup of Nations kuliviki.
Umdlalo wakuqala uzaqhutshelwa eBotswana ngoLwesine. AmaWarriors azadibana leZambia enkundleni yeNational Sports Stadium, mhlaka 28.
Inhlanganiso yeZimbabwe Football Association isibike ukuba abadlali sebetheleka enkambeni yokulolonga loba nje abanye bezaphuza ukufika kuleli.
Kubikwa lababadlali abathenjwe kakhulu ngumqeqetshi uTino Kadewere loMarshall Munetsi sebevunyelwe ukuthi bakhwele indizamtshina bezosekela isizwe sakibo.
Bonke abadlali abakhethwe ngumqeqetshi uLoga, ngabadlala bephetsheya. IZifa ngoLwesibili ibike ukuthi abadlali abatshibilika beseSouth Africa uKudakwashe Mahachi loEvans Rusike sebehlangene labanye ekulungiseleleni imidlalo emkhulu le.
Abadlali abakhethiweyo yilaba:
Onozinti: Tanunurwa Talbert Shumba (Nkana, Zambia), Martin Mapisa (Zamora CF, Spain), Ariel Thulani Sibanda (Highlanders, ZIM).
Imvimbi: Jimmy Denis Dzingai (Nkana, Zambia), Teenage Lingani Hadebe (Yeni Malatyaspor, Turkey), Alec Takunda Mudimu (Ankaraspor, Turkey), Tendai Pattison Jirira (Detroit, USA), Victor Kamhuka (Royal Malaysia Police, Malaysia), Romario Matova (NK Solin, Croatia), Gilroy Takudzwa Chimwemwe (Nkana, Zambia).
Abaphakathi: Thabani Michael Kamusoko (Zesco United, Zambia), Butholezwe Mzomsuthu Ncube (Amazulu, SA), Marshall Nyasha Munetsi (Stade de Reims, France), Ovidy Obvious Karuru (Black Leopards, SA), Perfect Tatenda Chikwende (Simba SC, Tanzania), Last Jesi (Al-Hilal, Sudan), Tafadzwa Paul Rusike (Zesco United, Zambia), Kudakwashe Mahachi (SuperSport United, SA), Tanaka Chinyahara (Red Arrows, Zambia), Knowledge Musona (KAS Eupen, Belgium).
Abagadli: Terrence Dzvukamanja (Orlando Pirates, SA), Evans Rusike (SuperSport United, SA), Philana Tinotenda Kadewere (Lyon, France).
Online Reporter