admin
Ngilijaha elileminyaka engu-21. Ngifunda kwenye ikolitshi yemfundo yaphezulu.
Abangakithi bangibamba ngamandla ukuthi ngithathe intombi engithandana layo eleminyaka engu-21 layo ukuze izonakekela abazali bami logogo osekhulile.
Ngicabanga ukuthi ngisemncane futhi ngizimisele ngokuqhubekela phambili ngezifundo zami kulokuthi ngikhulume ngomtshado.
Kambe ngiyabe ngitshengisa ukungabahloniphi na abazali bami nxa ngikubalekela lokhu abafuna ukungifaka kukho?
Ngincedisa babakazi ngikhathazekile.
Impendulo:
Akumelanga ubanjwe ngamandla ukuthatha, nxa ungakakulungeli kawukakulungeli.
Futhi kayisiso sizatho esimqoka lesi esenza bafune uthathe.
Akumelanga uthathe ngoba befuna umakoti wakho azokhangela abazali abagulayo kuphela.
Kumele kusuke ngaphakathi kini elitshadayo ngoba ekucineni yini elizangena emtshadweni hayi bona.
Batshele ukuthi kuyakuthokozisa ukuthi bakufisela umtshado kodwa ungakujabulela ukuqeda isikolo kuqala ngaphambi kokungena emtshadweni.
Umdeni wakho kumele usihloniphe isinqumo sakho.
Online Reporter