admin
yintatheli kaMthunywa
BAHAMBILE kodwa baphenduke bengelalutho kuma-Olympics.
Lokhu kudanise umongameli wenhlanganiso yomdlalo wokugijima uTendai Tagara othe isizatho sokuthi abagijimela isizwe baphenduke bengelamendulo sidalwe yikwehluleka kwabo ukulungiselela umncintiswano. Umongameli weNational Athletics Association of Zimbabwe lo ubikele uMthunywa ngoLwesithathu emini wathi okwehluleyo yikulungiselela. Inhlanganiso yeNaaz ibilomgijimi oyedwa uNyasha Makusha, obegijima umango we100m.
“Sizehlulekele. Inkinga yikuthi saphuza ukuqala amalungiselelo ethu,” kutsho uTagara.
“Okwakuqala, asinanzeleleni ukuba abagijimi bethu baphiwa usizo lwemali kungasela sikhathi. Pho sizalungiselela njani ngesikhathi esifitshane.
Umongameli lo uthe kwelakusasa, iNaaz izaqakathekisa ukuhwatsha ithalenta emakhaya.
“Zikhona indawo esifuna ukuthapha kizo ithalenta ezibalisela emaphandleni. Kuzakuba nzima kodwa abaqeqetshi bethu bazimisele.”
UMthunywa uxoxe lomqeqetshi kaMakusha uPhakamile Lisimati othe laye ulusizi ngokwenzakala kumaOlympics.
Online Reporter