admin
Thokozile Mbedzi
ZILOKHU zikhakhamele izakhamizi zeHeany Junction eFort Rixon kulandela ukugqitshelwa kwenye intombazana iphila yinhlabathi ngesikhathi begebha inhlabathi yokwakha lewele lakhe.
UPrisca Nyathi oleminyaka yokuzalwa engu-20 kubikwa wahamba lewele lakhe, uProsper, kuviki ephelileyo ukuyagebha inhlabathi. Ngokuswelakala kwenhlanhla wathi elokhu esagebha wadilikelwa yinhlabathi wahle wafa.
Ekhuluma lentatheli kaMthunywa uMnumzana Zenzo Mguni uthe lokhe betshe amande ngesiga lesi.
“Kube lesimanga lapha esigabeni sethu, siyaqala ukuba lemfa yohlobo lolu, besingakaze sihlangane lakho.
“Amaphahla la abegebha inhlabathi, khonokho nje isuke yasigqibela uPrisca wahle wafa. Iphahla lakhe yilo elihle lagijima layatshela abadala ekhaya ngomonakalo lo,” kulandisa uMnu Mguni.
Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uthe uzulu kaxwayane lokusebenza endaweni ezingafaka impilo zabo engozini.
Online Reporter