Bakhuluma ngoHadebe

YiNtatheli kaMthunywa
ILIGI ephezulu kumdlalo wenguqu eTurkey iSupa Lig isincome uTeenage Hadebe ngokwenelisa ukuqeda isizini ekuzinga eliphezulu, okumenze wakhethwa kubadlali abamqoka kulelo.

UHadebe, odlalela iqembu le-Yeni Malatyaspor uncedise ukuthi leliqembu lisinde ukuxotshwa kuligi nanko besekuseduzane lokuthi liyedlala kumaligi aphansi kusizini ezayo. Kumdlalo wayo wokucina iYeni Malatyaspor ibambane nge 1-1 leqembu le-Hatayspor, lapho uHadebe abe ngumdlali oyinsika.

Kulumdlalo uHadebe uncedise ukuthi athole ibhola alihambise phambili kumgadli uAdeme Buyuk ohlohle ngomzuzu wesi-67. Ukudlala kakuhle kukaHadebe kuza ngesikhathi lumdlali ehlohlele iqembu lakhe ngeviki edluleyo.

Le bekuyisizini yesibili uHadebe edlalela eTurkey kulandela ukusuka kuKaizer Chiefs.

facebookShare on Facebook
TwitterPost on X
FollowFollow us
PinterestSave

Related Posts

I-ZIFA ikhala ngokwedlula emhlabeni kwabakhokheli beHighlanders
I-ZIFA ikhala ngokwedlula emhlabeni kwabakhokheli beHighlanders

YiNtatheli kaMthunywa INHLANGANISO yenguqu yakuleli, iZimbabwe Football Association (ZIFA), isiyethule amazwi enduduzo kulandela ukwedlula emhlabeni kwabakhokheli beqembu leHighlanders abathi umgcinisihlalo uKenneth Mhlophe, umsekeli wakhe uFiso Siziba lomgcinisikhwama uNkani Khoza. Ukwedlula…

Continue reading
Iyezi elimnyama kuHighlanders
Iyezi elimnyama kuHighlanders

YiNtatheli kaMthunywa UMGCINISIHLALO weHighlanders uKenneth Mhlophe, umsekeli wakhe uFiso Siziba lomgcinisikhwama uNkani Khoza badlule emhlabeni kungozi yemota eyenzakale ngoLwesine ebusuku emgwaqweni weBulawayo-Harare. Kubikwa ukuthi abathathu laba bebevela eKariba ngemva komdlalo…

Continue reading

Leave a Reply

Your email address will not be published. Required fields are marked *

×