admin
YiNtatheli kaMthunywa
IHANYANISI yisilimo esenza kuhle kakhulu ngesikhathi somqando kodwa umlimi kumele aqaphele ukhula kusilimo sakhe.
Ulawula njani ukhula lungakahlumi
Ukululawula ungasebenzisanga imithi kuyenzeka nxa lungakahlumi. Sikhuthaza ukuthi kugejwe kutshone ukuze kwenqatshelwe ukuhluma kokhula oluvela phansi. Lokhu kwenza ukhula luhlume ngendlela efanayo.
Ukulawula osoluhlumile
Imithi ingasetshenziswa ukulawula ukhula. Lokhu kungenziwa lungakamili kumbe solumilile. Imithi le ingabe ingekhethayo loba ingakhethi. Imithi ekhethayo ihlosa ukubulala ukhula njalo kayilimazi ihanyanisi, kungakho ingafafazwa loba kuhanyanisi ensimini, isibonelo yiGoal ekhethayo.
Loba kunjalo ungafafazi imithi le e-nursery. Imithi engakhethiyo ibona konke okusensimini kulukhula kungakho kumele ifafazwe kungakahlanyela usaba. Ukufafaza imithi engakhethiyo ngemva kokuhlanyela usaba kungalimaza ihanyanisi yakho.
Ngemva kokufafaza imithi, sebenzisa i-optimizer ukuze ihanyanisi ingabuni, lokhu ungakwenza ngemva kwamalanga amathathu loba amane ufafazile.
Hlola izixwayiso zenkampani eyenza umuthi lowo. Eminye imithi akuvunyelwa ukuthi ihlanganiswe leminye. Bala uzwisise izixwayiso.
Online Reporter