admin
KUBIKWA kusukela ngeSonto edluleyo akusalalwa elizweni le-Senegal kulandela ukunqoba kweqembu lakulelo inkezo ye-Africa Cup of Nations.
Abadlali balithimu, ikakhulu umgadli uSadio Mane sephenduke waba “yinkosi” nanko uncedise ukuthi afeze amaphupho enengi labandeli benguqu.
Imifanekiso esabalale ebulenjini kuliviki iyakuveza ukuthi ukuza kwenkezo ye-Afcon elizweni leli kujabulise izizalwane zakulelo.
ISenegal ipholise isilonda osekuphele iminyaka sivulekile ngokunqoba isicoco sayo sakuqala se-Africa Cup of Nations ngeSonto ebusuku.
ILions of Teranga ithele phansi i-Egypt nge 4-2 kuhlandla lembekwa kumdlalo we-final yenkezo le edibanisa amazwe e-Africa.
ISenegal ibihlezi ilukhutha ugatsha, idliwa kumahlandla abalulekileyo. Ubuhlungu bebujule kakhulu kumqeqetshi u-Aliou Cisse. Wayengumdlali bedliwa yiCameroon ngo-2002. Wehlelwa liyezi elimnyama ngo-2019 bedliwa yi-Algeria esengumqeqetshi.
Umqeqetshi lo ubike ukuba kazange aphele amandla.
“Lesi isicoco ngisinikeza abantu beSenegal, sekuphele iminyaka siyifuna inkezo le,” kutsho uCisse exoxa lentatheli.
“Sekuphele iminyaka eyisikhombisa sihlanganisa leliqembu njalo ngiyabancoma abadlali ngabakwenzileyo.”
UMane, ophinda adlalele iqembu le-Liverpool ubeyinsika yokunqoba kwaleli iqembu ngemva kokuthi ephenduke ngomdladla esekhuthe umbekwa ngesigaba sakuqala somdlalo.
Umgadli lo uqede ehlohle amabhola amathathu.
Uthe usuku lwangeSonto kasoke walukhohlwa empilweni yakhe.
“Lolu lusuku olubalulekileyo kakhulu empilweni yami futhi engingasoze ngalukhohlwa, kunzima ngempela ukuveza imizwa yami. Ngijabule kakhulu futhi ngiyaziqhenya,” kutsho uMane ngemva komdlalo.
“Ngokwami, inkezo le ngithanda ukuyinikeza kumqeqetshi wami u-Aliou Cisse ngoba imfanele. Angazi ukuthi ngingamchaza njani.”
Impi phakathi kweSenegal le-Egypt ayikapheli njengoba amazwe la khona ezahlangana njalo kumdlalo womkhankaso wenkezo yomhlaba ngenyanga kaMbimbitho.
Online Reporter