Banikwa umuthi yinyanga kufe oyedwa

YIWO lomuthi okusolakala ukuthi ogile izimanga ukhipha umphefumulo womlisa waseDalton ehostela obethi ukhipha ngawo Isithombe; DOCTOR NGCOBO

Ethel Ncube

KULEMULI yeChinotimba eVictoria Falls elahlekelwe ngelinye ilunga lemuli yalo kulandela ukunikwa umuthi wokwelapha isisu ngenye inyanga.

Kuzwakale ukuba ngoLwesithathu kuviki ephelileyo uMnumzana Raymond Tshuma wahamba lomkakhe uFoni Dube besiyadinga umuthi wesisu enyangeni uMara Ncube.

Kubikwa inyanga le yabanika umuthi okucatshangelwa ukuba yiwo owabangela ukufa kukaNkszn Dube.

UMthunywa uzwe ukuthi umuthi abawunikwayo wenza bagijinyiswa yizisu ngapha bekhupha futhi.

UMnu Tshuma wathi ebona umkakhe esephela amandla wabiza umakhelwane owahle wabiza i-ambulensi yona eyathi ifika bathi uNkszn Dube usedlule emhlabeni.

UMnu Tshuma laye wathwalelwa esibhedlela seVictoria Falls lapho alaliswe khona.

Kuzwakale ukuba inyanga uNcube isizwa lokho yahle yadliwa ngumswenya akwaziwa ukuthu ingaphi.

Isikhulumi samapholisa eMatabeleland North uInspector Glory Banda uthe amapholisa eVictoria Falls achwayisisa udaba lapho owesilisa lowesifazana abahamba enyangeni bayanikwa umuthi okucatshangelwa ukuba wabangela ukufa kowesifazana.

“Sicela uzulu asincedise ukuthola inyanga uMara Ncube ukuze abotshwe. Sikhuthaza uzulu ukuba nxa egula adinge usizo ezibhedlela,” kuphetha uInsp Banda.