admin
IYINDABA egudwini kumalunga omphakathi weBulwer eyokuxotshwa kwabakhongi emzini wakoMfeka bexotshwa ngubaba wekhaya okuthiwa ubakhombe indlela ethi ngeke indodakazi yakhe ilotsholwe ngumfana ongunogada ekubeni yona iyisifundiswa.
Ngokuthola kwentatheli, abakhongi bebethunywe nguMnumzana Sabelo Ndimande ongunogada ngokomsebenzi obebathume ukuthi bayocela isihlobo esihle koMfeka. Kuthiwa uNdimande utsha amashushu ngoNkszn Nomalanga Mfeka.
Umthombo osondelene lalolu daba uthe abakhongi baxotshwe kufanele kwaMfeka ngoba kuyaziwa ukuthi uMnumzana Thembalakhe Mfeka akayizwa indaba yokujola kwendodakazi yakhe eleziqu zobuthitshala loMnu Ndimande ukhala ngokuthi abafanelene ngoba indodakazi yakhe ifundile inguthitsha.
“Ngaphambi kokuba abakhongi baze baxotshwe kabuhlungu abakoNdimande bayithumela incwadi koMfeka. Ubaba uMfeka wabatshayela ucingo wabazisa ukuthi ngeke aze avume lendodakazi yakhe,’’ kuchaza umthombo.
Uqhuba uthi yingakho labo njengomakhelwane kubamangazile kakhulu ukubona abakhongi befika.
“Mhlawumbe umfana wakoNdimande uzitshele ukuthi uma sekufika abakhongi ubaba uMfeka uzothambisa inhliziyo kanti lutho lokho kuzomane kumcasule kakhulu,’’ kusachaza umthombo.
Intatheli ikhulume laye uNdimande wathi okumehlele uyokuxoxela amagwababa echobana. Uvumile ukuthi akamukelekanga koMfeka.
Uthe kodwa ubengazitsheli ukuthi uyise wesithandwa sakhe usengaze abathele ngehlazo kanje abakhongi abebathumelile.
Uthe okwamanje kusaduma ikhanda kuye wathi usazoke adle amathambo engqondo abone ukuthi yini azoyenza okanye limane ligqashuke nje igoda phakathi kwakhe loNomalanga.
“Eyi kuduma ikhanda kimi angazi ukuthi kwenziwa njani uma kunje. Kodwa ngisazoke ngihlale phansi ngicabange ngijule njengendoda,’’echaza.
UNomalanga obezwakala ekhululekile uthe uyise akakaze nje amthande uNdimande. Uthe kodwa yena yinto abengazixaki ngayo leyo.
“Mina kulilungelo lami ukuthi ngithandane lomuntu engimthandayo. Ukuqoma kwami kuya ngothando olusenhliziyweni hayi lolu lokubuka ukuthi umyeni uphetheni esandleni,’’ utsho kanje.
Uveze ukuthi beloNdimande sekuphele iminyaka engu-4 bethandana.
“Umama uthe usazokhuluma lobaba. Kodwa sengililahlile ithemba. UNdimande ngimtshelile ukuthi ngizomane ngihambe ngiyohlala laye ngoba ngiyazi ukuthi ubelesifiso sokungikhokhela kwenqaba ubaba,’’ utsho kanjena.
Ethintwa uMfeka uthe yena into ayibanga lomkhwenyana yikuthi kathandi ukuzikhulisa ngokwezinga lemfundo. -Isolezwe
Online Reporter