admin
ALUBA uyinyoka ngabe uyindlondlo elophaphe ekhanda eluma inkunzi yenyathi ifele obala ingadliwa ngitsho layibunyonyo, aluba ungumkhuhlane wenkomo ngabe uyilo abawuthi ngolimi lwabondlebe zikhanyilanga yi-anthrax ngoba loma ingafa ayidliwa iyatshiswa loma usuyeluse okweminyaka engakanani.
Esintwini kuyazila njalo yinkalakatha yehlazo ukuthi umuntu ehluleke ukubona ilunga lakhe lomdeni eligulayo loma elibhubhileyo.
Kumele ngesintu umvalelise loma ebhubhele kude kangakanani, phela kuthi kubhubhe omunye wethu kuze abomthetho sibi sabezempilakahle bakhokhele umngcwabo kuthiwe thina amalunga emuli sime buqamama lomunye wethu.
Ungakhwehlela uyabe usuziqalele okunye, uthola wonke umuntu esekubheke ngeso lokhozi engafuni ukuthi usondele phansi kwakhe, wena nxa uthi ulandela izixwayiso esizifakelwa ngabezempilakahle ungaze uye kobhekabezayo kuthiwa ungasondeli phansi kwabo, lawe usendo kwesintu ulwazi uzwe sekuthiwa umbuluzela izihlobo, engazi ukuthi impilo livili, yikho ngithi kuwe buyela kini ngoba udida oHulumende ngitsho labodokotela.
Badla amathambo engqondo ebusuku lemini kodwa akuphumi lutho, hamba ungabuyi wemfokazana, sikhathele ngawe.
Ayixabene .
Umlobi ungamthinta ku:0714355641
Online Reporter