adminSIYAHLANGANA njalo bafundi kule iviki ngilethemba liyazifunda ingwalo zenu. Funda nantu ulimi mfundi.
Kwesinye isikhathi uyahlangana lembuzo emi kanje:
Nanzi izenzukuthi:
Wasutha wathi nti.
Wavuka wathi khwatshu.
Weqa wathi tshopo.
Kwasa kwathi ngwe.
Laphuma ilanga lathi chatsha.
Wamkhangela wamuthi nhlo.
Wakhwela wathi nombe.
Wasukuma wathi lothu.
Kuvele kwathi thutshu.
Kumi kuthe mpo.
Komile kuthe qha.
Kuphele kwathi du.
Kuqonde kwathi nta.
Kutshisa kuthi bhe/vutha.
Wanyamalala wathi nya.
Kwathula kwathi zwi/cwaka.
Wabhoda wathi bhode.
Wazonda wathi kliki.
Sithi yini lokhu?
Ibonda – lenkuni.
Igusu – lezihlahla.
Isigogo – samaqanda.
Isithungo – sotshani.
Inqwaba – yamatshe.
Ixuku – labantu.
Umnyaba – wenkuni.
Umqulu – wegwayi.
Isiziba – samanzi.
Umhlambi – wenkomo.
Inqumbi -yezibi.
Inyanda – yemfe.
Amabizo aqondileyo alokhu:
Isipunu — lukhezo.
Isitulo — isihlalo.
Isepa — umlola.
Ibhuku — ugwalo.
Iwindi — ifasitela.
Isotsha — ibutho.
Umpikitsha — umfanekiso.
Amafulawuzi — amaluba.
Ihafu — ingxenye.
Isitolo — ivinkili.
Ujaji — umahluli.
Igedi — isango/intuba.
Ijele — intolongo.
Ikhitshi — umkulu.
Ilayithi — isibane.
Iwemusi — umswenya.
Khetha okwehlukileyo kokunye lapha utsho ukuthi kwehlukene ngani lokunye: inxaha, inkabi, ijongosi, ithokazi — ithokazi ngoba ezinye ngezinduna. Ukuthetha, ukutshaya, ukukhala, ukukhuluma — ukutshaya ngoba okunye kwenziwa ngelizwi.
Izinso, isibindi, amaphaphu, amathumbu — amaphaphu ngoba wona asesifubeni.
Ikhwezi, isilimela, isibhakabhaka, icelankobe — isibhakabhaka ngoba amanye ngamabizo ezinkanyezi.
Amagwili, umqwente, isadenda, ububese — ububese ngoba okunye kuzalela ngaphansi komhlabathi.
Ulomngane wakho ake libuzane ngalokhu okungaphezulu ligiye ngolimi lwenu libona njalo kumbe liyalwazi.
Online Reporter