Online Reporter
Innocent Kurira
IQEMBU leBosso 90 selithole isipho se-kit entsha evele kunkampani yeSendHome.
Impahla le iqoqwe ngu-Alexander Maseko owake wadlalela iHighlanders kudala. NgoLwesihlanu emini, abakhokheli beHighlanders bamukele isipho lesi emahofisini yeqembu, lapho uMaseko abike ukuba ufuqwe luthando lwakhe lweqembu.
“Ngihlala ngilokholo lokuthi kumele ngibuyele lapho engivela khona, nginikele emphakathini. Sasifuna ukuthi sinikeze i-kit kuqembu elikhulu, kodwa sabona ukuthi kumele siqale phansi, sisekele iBosso 90. Kunengi okuzayo kwelakusasa,” kutsho uMaseko.
Obemele inkampani yeSendHome, uSibert Dube uthe inyathelo lokusekela iHighlanders livele ekuthini leliqembu lilembali enkulu njalo liligugu ebantwini.
“Sikhethe iHighlanders ngenxa yembali yalo kunguqu yakuleli lokuthi lilabasekeli abanengi. Liqembu elimele umphakathi lesiko njalo lokhu yikho okusikhuthaza ukuthi silixhase. Ngokukhula kobudlelwano bethu leqembu, kungenzeka kube losekelo lwemali kwelizayo,” nguDube lo.
