Online Reporter
Fungai Muderere
IQEMBU leHighlanders lizangena enkundleni yeBarbourfields ngeSonto lilomlandu omkhulu nanko lizabe lihlangana lentshantshu zeCastle Lager Premier Soccer League, iScottland.
Iqembu likaNorman Mapeza selidlale imidlalo eyisifica munwe munye yeligi lingahlohlwanga, okuyikho osekwenze laba sesiqongweni sengalane njalo laba phakathi kwentandokazi zamaqembu anganqoba isicoco seligi.
IScottland ilabadlali abalolwazi olujulileyo ababalisa owayengukaputeni wamaWarriors, uKnowledge Musona, Khama Billiat, Peter Muduhwa loKevin Moyo, asebenze umsebenzi omkhulu ekuvimbeni amanye amaqembu ukuthi abahlohle.
Kodwa, umqeqetshi weHighlanders, u
, ukholwa ukuthi iqembu lakhe lingaqeda umkhankaso omuhle kuScottland, phambi kwabalandeli beBosso eMagumeni.
Loba iHighlanders isidonse imidlalo eminengi kulisizini, ibonise ukuthi iyenelisa ukumelana lamaqembu amakhulu nxa idlalela ekhaya asazi ukuthi kuzodlala nkomoni ngeSonto.
Ngaphandle kokufuna imiklomelo emithathu ebalulekileyo, iBosso ifuna ukuba liqembu lokuqala emidlalweni elitshumi ukungenisa amabhola kuScottland. Ukunqoba kuScottland kuzayisondeza
ekunqobeni isicoco seligi, kuthi iHighlanders yona ifuna ukumisa ukuhamba kwayo ngamandla njalo ibuyisele isithunzi seBarbourfields njengenkundla enzima ukuvakatsha.
Imidlalo yeviki lesi-23 kuCastle Lager:
NgoMgqibelo: Bulawayo Chiefs v FC Platinum (Luveve), TelOne v ZPC Kariba (Ascot), FC Hunters v Chicken Inn (Heart), MWOS v Agama (Ngoni), Manica Diamonds v CAPS United (Sakubva)
NgeSonto: Hardrock v Triangle United (Chawanda), Highlanders v Scottland (Barbourfields), Dynamos v Simba Bhora (Rufaro)
