admin
BANENGI abadlali lezisebenzi zamaqembu akuligi yePremier Soccer League okubikwa babanjwe belegcikwane leCovid-19 kuliviki.
Iphephandaba likazulu lithole umbiko kwabaseduzane lamaqembu athile othi inani labadlali abaphethe igcikwane leli liyanda ngokuya kwamalanga.
Isibonakaliso sakuqala sokuthi igcikwane selibhahile emaqenjini kube yikumiswa komdlalo wenkezo yeChibuku Super phakathi kwe-ZPC Kariba leHarare City obekumelwe udlalwe ngoLwesine. Kubikwa inhlanganiso yePSL ikubone kufanele ukuthi ithathe lelinyathelo ukuze ivikele inengi lezisebenzi lamaqembu.
Amaqembu enguqu ephakemeyo aseqalisile ukulolonga, elungiselela imidlalo yomkhankaso wenkezo le ezaqhutshwa ngempelaviki. Ukudibana kunkezo ye-Chibuku Super Cup kuza ngemva kokuba lumkakhankaso umisiwe kumalanga adluleyo ngenxa yokwanda kwabantu ababanjwa belegcikwane leCovid-19.
KoBulawayo abafana bakaJoey Antipas, iChicken Inn bahlangana leBulawayo City enkundleni yeBarbourfields.
Ebuza ngalumdlalo, uAntipas uthe: “Siphindela emdlalweni silokhe sihlose ukunqoba. Ukumiswa ukudlala kuhlasele kakhulu ukuqina kwabadlali kodwa sizimisele ukuphenduka kugiya esasikulo.”
UPhilani “Beefy” Ncube uthe kathandi ukukhuluma umdlalo ungakabi khona kodwa akulanto ayesabayo ngokudlala leChicken Inn.
IHighlanders inxuse umakhelwane wayo iBulawayo Chiefs ngeSonto.
Imidlalo yeChibuku Super Cup ezayo:
NgoMgqibelo: Triangle v Ngezi Platinum, Black Rhinos v Tenax, Chicken Inn, Bulawayo City, Harare City v Caps United.
NgeSonto: FC Platinum v Whawha, Highlanders v Bulawayo Chiefs, Cranborne Bullets v Manica Diamonds, Dynamos v Yadah, Herentals v ZPC Kariba
Online Reporter