admin
UHULUMENDE usekuzwile ukukhala kwezisebenzi zakhe nanko phela kusitatimende asikhiphe izolo uveze ukuba izisebenzi zakhe zonke kusukela kuyonale inyanga iholo lazo lengezelelwe nge 50 percent, phezulu kwalokhu zonke zizanikwa i-Covid 19 allowance ye USD75 ngenyanga, okwenyanga ezintathu ezilandelayo.
Asebathatha umhlalaphansi bona labo bazanikwa imali engange USD30 ngenyanga engasoze ikhitshwe mthelo. Kusitatimende lesi esethulwe lugatsha olubona ngezemali lezomnotho welizwe ugatsha lolu luveze ukuthi izisebenzi zikaHulumende kumele ziyevula amabhuku ebhanga emali yakwamanye amazwe ukuze kubelula ukufaka imali kuma-akhawunti azo.
UHulumende uthethe inyathelo leli ngokuzimisela ukuholisa izisebenzi zakhe imali elakho ukuziphilisa ngasikhathi sinye engaphambuki kuzimiso zakhe zokusetshenziswa kwemali kwalonyaka, kubika lesi sitatimende.
Online Reporter