IGWANDA YETHULA AMACENCE OKUGOLA AMACIMBI

Yimtatheli kaMthunywa

I-GWANDA Rural District Council (RDC) izakwethula amacence azanikezwa abantu abafisa ukugola amacimbi ngemizamo yokuthi kwehliswe ukubhidlizeka kwemvelo okwenziwa yilabo abagolayo. 

Umaqhuzu weGwanda RDC uMnumzana Ronnie Sibanda uthe ukunikezwa kwamacence lokhu kuza ngemva kokuba kunanzelelwe ukubhidlizeka kwemvelo okubangelwa ngabantu abagola amacimbi. UMnu Sibanda uthe abantu abagola amacimbi babhidliza imvelo ngokugamula izihlahla. 

Uthe amacence la azakwenza kukhangelisiswe lendaba zokuhlanzeka ngoba abantu abagola amacimbi balahla ingcekeza mahlayana nje. 

“I-Gwanda yaziwa ngokuba yindawo egcwele amacimbi kodwa lonyaka balutshwana abagolayo nxa kuqathaniswa lanyakenye ngenxa yezulu elingananga kuhle. 

Ukugola amacimbi kwandise ukuqala ekuqaleni kukaMpalakazi kodwa lonyaka kuqale ngoZibandlela,” kuphetha uMnu Sibanda.

facebookShare on Facebook
TwitterPost on X
FollowFollow us
PinterestSave

Related Posts

I-ZIFA ikhala ngokwedlula emhlabeni kwabakhokheli beHighlanders
I-ZIFA ikhala ngokwedlula emhlabeni kwabakhokheli beHighlanders

YiNtatheli kaMthunywa INHLANGANISO yenguqu yakuleli, iZimbabwe Football Association (ZIFA), isiyethule amazwi enduduzo kulandela ukwedlula emhlabeni kwabakhokheli beqembu leHighlanders abathi umgcinisihlalo uKenneth Mhlophe, umsekeli wakhe uFiso Siziba lomgcinisikhwama uNkani Khoza. Ukwedlula…

Continue reading
Iyezi elimnyama kuHighlanders
Iyezi elimnyama kuHighlanders

YiNtatheli kaMthunywa UMGCINISIHLALO weHighlanders uKenneth Mhlophe, umsekeli wakhe uFiso Siziba lomgcinisikhwama uNkani Khoza badlule emhlabeni kungozi yemota eyenzakale ngoLwesine ebusuku emgwaqweni weBulawayo-Harare. Kubikwa ukuthi abathathu laba bebevela eKariba ngemva komdlalo…

Continue reading

Leave a Reply

Your email address will not be published. Required fields are marked *

×