admin
ABALANDELI beKaizer Chiefs bazazitika ngemidlalo yasekhaya yeqembu labo nanko kubikwa ukuba eminye yemidlalo le izadlalelwa eMoses Mabhida Stadium, eThekwini, ngesizini ezayo.
Ngesizini edluleyo iChiefs ibisebenzisa i-FNB Stadium, eSoweto, eGoli, njengekhaya layo lokuqala bese kuthi eminye imidlalo yayo yasekhaya iyidlalele eCape Town Stadium. Amakhosi abethola i-R4,5 million kudolobho leCape Town ukuletha imidlalo yayo kulo.
Sekuvele ukuthi ngeke isayidlala eminye imidlalo yayo yasekhaya eKapa ngoba isizadlalela eThekwini.
Ngesizini edluleyo Amakhosi adlale imidlalo emithathu kweyi-15 yasekhaya eKapa kwase kuthi eminye engu-12 yadlalela e-FNB Stadium. Ngesizini ka2014/2015, iChiefs ibisebenzisa inkundla yePeter Mokaba Stadium esePolokwane, eLimpopo, njengenkundla yayo yesibili.
“Sekuqedwe yonke into ngaloludaba. Ngakho ngingaqiniseka ukuthi iqembu ngeke lisadlala eKapa,” kutsho umfakazi othembekileyo osemahofisini eKaizer Chiefs.
Kulisizini ezoqala eMabhida, kuvela ukuthi izasingatha umdlalo owodwa kuphela we-Absa Premiership — oweLamontville Golden Arrows le-Orlando Pirates.
Umdlalo weKaizer Chiefs laBafana Bes’thende kubhaliswe kuPSL ukuthi uzodlalelwa ePrincess Magogo Stadium, KwaMashu, mhlaka 21 kuMpalakazi.
Amaqembu aseKZN awayisebenzisi inkundla yeMabhida ngoba akhala ngokuthi imba eqolo.
Okhulumela iChiefs, uVina Maphosa, uthe: “Angiphiki futhi angikuvumi ukuthi iqembu lizadlala eminye imidlalo yasekhaya eMabhida. Okwamanje akukho engisatshelwe khona. Kodwa ngilesiqiniseko sokuthi abaphathi bazokwenza isimemezelo nxa sekufanele.”
IChiefs ngelinye lamaqembu alabalandeli abanengi eKZN, ilengcindezi yokwenza okunengi okuzajabulisa abalandeli laba. Umqeqetshi uSteve “Mphathi” Komphela kuthiwa ubekelwe ukuthi enze kahle emidlalweni yeMTN8 nxa esazimisele ngokuqhubeka lokuqeqetsha Amakhosi.
Imidlalo ye-Absa Premiership:
NgoLwesibili: 23 August: Bidvest Wits v Kaizer Chiefs (Bidvest Stadium, 7.30pm); Cape Town City v Polokwane City (Cape Town Stadium, 7.30pm); Baroka FC v Ajax Cape Town (New Peter Mokaba Stadium, 7.30pm); Chippa United v Free State Stars (Nelson Mandela Bay Stadium, 7.30pm)
NgoLwesithathu: (Orlando Pirates v Golden Arrows (Orlando Stadium, 7.30pm); Platinum Stars v Super Sport United (Royal Bafokeng Stadium, 7.30pm); Bloem Celtic v Maritzburg Utd ( Dr Molemela Stadium, 7.30pm). — Ubulembu.
Online Reporter