Blessing Chizhande
Nkosilathi Sibanda
AMAKHANSILI esigabeni seBinga, iRural District Council leBinga Local Board asebike ukuba bonke abathengisayo abangekho emthethweni abasendaweni ezingavunyelwanga kumele basuke kulezo ndawo ngokuphangisa.
Lokhu kuvele kusaziso esikhutshwe yiBinga Rural District Council, esithi uHulumende ukhiphe umbiko wokuthi bonke abathengisayo abathengisela endaweni ezingekho emthethweni kumele basuke kulezondawo.
Ikhansili le, ithe isinanzelele ukuthi kulendawo ezinengi lapho abantu abathengisa khona kanye lezakhiwo ezifakwa ngaphandle kwemvumo endaweni ezehlukeneyo zeBinga, ikakhulu enzinkini yamabhizimusi.
Ikhansili, kumbiko wayo owethulwe ngoLwesine, enkundleni zokuxhumana, igcizelele ukuthi kayiphikisani lokuthengiselana okusemthethweni, kodwa kayisoze ivumele abathengisayo abephula imithethe yekhansili.
“Bonke abathengisayo labanye abathintekayo bakhuthazwa ukuthi balandele imithetho yeBinga Council ngokubona ukuthi basusa amabhizimusi abo aye emikambo yokuthengisa esemthethweni.”
Online Reporter