admin
YiNtatheli kaMthunywa
ILIZWE likhangelele ukuba kusiyafika umnyaka ka 2025 libe selithola isivuno sotshinda samathani angu-265 000 kulandela ukwethulwa kohlelo lwe-National Development Strategy 1 (NDS1), olusungulwe nguMongameli welizwe uMnangagwa kuviki ephelileyo.
Uhlelo lolu luzavuselela umkhonomi wemaphandleni.
Kubikwa injongo emqoka ye-NDS1 yikuthi ibe ngumhlahlandlela wokuguqula iZimbabwe ukuze ibe lomkhonomi ophakathi laphakathi kusiyafika umnyaka ka2030.
Ngemva kokuba ilizwe libhekane lendlala iminyaka embalwa ilandelana, abalimi botshinda bakhangelele isivuno esingcono kulesi isigaba nanko phela kukhangelelwe izulu elinengi lonyaka.
Isivuno sotshinda besisibi kakhulu kuminyaka emibili edluleyo ngoba izulu libe lilutshwana okucine kuphambanisa isivuno sezilimo ezimqoka njengegwayi lomumbu.
USenior Forecaster kuhlangothi olubona ngezomumo womkhathi iMeteorological Services Department, uMnumzana James Ngoma uthe lonyaka, iZimbabwe ikhangelelwe ukuthola izulu elijwayelekileyo kusiya kweliphezulu kwelivamileyo okwenze abalimi botshinda baba lethemba kusigaba sika 2020/21.
Uhlelo lwePresidential Inputs Scheme, oluqhutshwa yiCotton Company of Zimbabwe (Cottco), belusekela abalimi bomphakathi abanengi kusukela ngomnyaka ka2015. UMnumzana Pious Manamike onguMqondisi weCottco uthe uhlelo lokwabiwa kwempahla yokulima solukuzinga eliphezulu.
Online Reporter