admin
YiNtatheli kaMthunywa
IBHANGA lesizwe iReserve Bank of Zimbabwe seliveze ukuthi imali ezidabukileyo ebezisaliwa ngabezitolo ezinengi ukuthi kumele bazamukele ngoba ziyasebenza.
Kusitatimende esikhutshwe nguGavuna webhanga leli, uDokotela John Mangudya ngoLwesibili kuyonale iviki uthe imali ezidabukileyo ziyasebenza.
“Sokufike endlebeni zeRBZ ukuba kulabantu asebesala imali zeMelika (USA), ngoba besithi zindala njalo zidabukile okuzenza zingasabi lesisindo.
Isiqondiso lesi siza ngesikhathi lapho uzulu ubesethwele nzima ngemali ezidabukileyo lesezindala ngoba bezingasamukelwa ngabezitolo, abathengisayo kanye lamankampani.
“Ukuze umphakathi oyiwo othengayo uphathiseke, njengoba selulekwe yi-Embassy yeMelika eseZimbabwe mhlaka 16 Lwezi 2020, ibhanga lifisa ukwazisa futhi liphinde liqinisekise isinqumo sikaHulumende weUnited States sokuthi amadola eMelika kawaphelelwa yisikhathi yiloba esemadala kanganani, futhi uHulumende weMelika akakukhangeli ukuba imali indala loba idabukile, okuqakathekileyo yikuba leyo mali kumele ibe ilucezu olwedlula ingxenye ukuze ithenge,” kulandisa uDkt Mangudya.
NgoLwesithathu emini ezinye izitolo ezisedolobheni lakoBulawayo bezilokhu zingayamukeli imali yeMelika edabukileyo loba esindala.
IRBZ iletha isixwayisa lesi ngesikhathi abantu bethwele nzima ngentshintshi yemali ezincane wemali yakwamanye amazwe.
Online Reporter