admin
UTHELMA Nomvela wayethinta amayezi ngesikhathi ethola uthando.
Kanti impilo yayimyenga yayimlungiselela ukutshaywa kabuhlungu.
Khathesi uThelma uthoba inhliziyo ephukileyo ngemva kokulahlekelwa yimali engaba yi-R183 000.
UBen 10 wakhe, uWilliam Walunsimbi, wanyamalala lemali yakhe.
UThelma uthi indoda le eleminyaka ephezudlwana kwe-30 yaboleka iR10 000 wamnika ephoqwa luthando.
Waqhubeka elokhu ecela imali yaze yafika iR33 000. Ngokutsho kukaThelma wathembisa ukuthi uzayiphendukisa angalungisisa amasiko akhe.
UThelma ungumbalisi njalo ungumama wabantwana abathathu ohlala eZiphunzini ePiet Retief eMpumalanga, wathatha imali le, ku-akhawunti yakhe yemali ayigcinayo.
Ijaha lakhe laselimcela ukuthi aboleke imali engaba yi-R150 000 kumaviki ambalwa edluleyo bakhiyela imali le phakathi kwebhokisi lensimbi.
Utshele intatheli ukuthi imali le kayisekho, laye uWilliam kabonakali! Usele lenkalakatha yesikwelede okumele asibhadale.
“Ngangingekhaya ngisamukela ucingo lwakhe,” kutsho uThelma.
“Wathi ibizo lakhe nguWilliam njalo uyangithanda. Wathi ngamnika inombolo zami zocingo kodwa ngangingakhumbuli. Ngalalela eqhubeka ekhombisa. Ngavuma ngoba ngangilesizungu futhi ngifuna umuntu ongangithanda.”
Wabuya endlini yakhe bahlala bonke.
UThelma uthe sonke isikhathi wayethi angacela imali wayeqhuba isiko.
“Wayesebenzisa umuthi kodwa ngangingabuzi imibuzo,” kutsho yena.
Uthe wamcela ukuthi adinge isikwelede seR150 000 kunyanga edluleyo.
“Ekuqaleni kukaMpalakazi wathatha imali wadliwa ngumswenya,” kutsho yena.
“Ngazama ukumtshayela ucingo kodwa wayengaludobhi. Wathumela umlayezo esithi uzaphenduka ezongibhadala njalo ulokhu esangithanda.”
Ebuzwa zintatheli uWilliam uthe kamazi uThelma. Uphinde wafona ngemva kwesikhathi esithi bake bathandana.
Uthe: “Kangizange ngitshontshe imali. Wabhadalela ukujabuliswa emacansini. Kumele adinge enye indoda.”
UThelma uthe ufuna ukumvulela icala nxa angekela ukuphenduka. – Ubulembu
Online Reporter